Lengjudeild kvenna: HK vann í blíðunni í Kórnum

Þrír leikir voru upphaflega á dagskrá á Íslandsmótinu í kvöld en aðeins einn leikur fór fram vegna veðurs. Það var blíða inn í Kórnum þar sem HK fékk Fylki í heimsókn í Lengjudeild kvenna.

Liðin voru jöfn að stigum með sjö stig eftir fyrstu þrjá leikina þegar komið var inn í þennan leik.

Heimakonur voru sterkari aðilinn í fyrri hálfleik en inn vildi boltinn ekki og markalaust því þegar flautað var til hálfleiks. HK vildi fá vítaspyrnu snemma í siðari hálfleik en ekkert dæmt.

Á 69. mínútu tókst HK að brjóta múrinn en það var Isabella Eva Aradóttir sem skallaði boltann í netið eftir hornspyrnu frá Emily Sands.