Sterkasta lið 8. umferðar - Systurnar þarna saman

FH kom sér á topp deildarinnar eftir þetta tap hjá Blikum. FH vann stórsigur á Víkingum og þar voru systurnar Ída Marín og Thelma Lóa Hermannsdætur bestar. Andrea Rán Snæfeld Hauksdóttir átti jafnframt góðan leik á miðsvæðinu hjá FH og skoraði glæsilegt mark.

Grindavík/Njarðvík vann útisigur á Fram þar sem Tinna Hrönn Einarsdóttir var maður leiksins.

ÍBV náði í fínt stig í Laugardalnum. Niðurstaðan þar var 0-0 þar sem Guðný Geirsdóttir var maður leiksins. Unglingalandsliðskonan Kristín Klara Óskarsdóttir átti sömuleiðis góðan leik fyrir Eyjakonur.

Þá voru miðverðirnir Arna Sif Ásgrímsdóttir og Lillý Rut Hlynsdóttir öflugar í markalausu jafntefli Vals og Þórs/KA á Hlíðarenda.