Sterkust í 8. umferð - Fór fyrir ótrúlegum sigri

„Erfitt að velja hana ekki þegar hún skoraði tvö í dag. Fyrsta markið var flott skot, seinna markið þá var hún mjög vel staðsett inn í teignum," skrifaði Arngrímur Alex Birgisson í skýrslu sinni frá leiknum.

Ingibjörg Lúcía hefur verið mjög drjúg fyrir Stjörnuna af miðsvæðinu í sumar og skorað mikilvæg mörk, þar á meðal auðvitað þessi tvö mörk í þessum leik.

Hún er alin upp hjá Sindra en spilaði með ÍBV áður en hún gekk í raðir Stjörnunnar árið 2020. Hún skrifaði undir nýjan þriggja ára samning við Stjörnuna í mars á þessu ári.

„Frá fyrsta degi hefur hún sýnt mikla leiðtogahæfni og fagmennsku í allri sinni nálgun, og mun vera mikilvæg í þeirri uppbyggingu liðsins sem stefnan er sett á á næstkomandi árum," sagði Óskar Smári Haraldsson, þjálfari Stjörnunnar, þegar Ingibjörg Lúcía skrifaði undir nýjan samning en hún er svo sannarlega í lykilhlutverki hjá Garðabæjarfélaginu.