Rodri skeit í sig af hræðslu

Hann er á sínum stað í leikmannahópi Spánverja sem tekur þátt í heimsmeistaramótinu og segist dreyma um að vinna keppnina.

„Alla fótboltamenn dreymir um að vinna heimsmeistaramótið. Þetta er stærsta fótboltamót í heimi og það er mikið af tilfinningum. Ég myndi ekki hika við að skila inn Gullboltanum (Ballon d'Or) til að vinna HM og tryggja aðra stjörnu á spænsku landsliðstreyjuna," segir Rodri, en Spánverjar unnu HM í fyrsta sinn í sögu sinni árið 2010 og öðluðust þannig fyrstu stjörnuna.

Á dögunum var myndbandi frá landsliðsæfingu Spánverja lekið á veraldarvefinn þar sem Gavi, miðjumaður Barcelona, sést brjóta nokkuð hressilega á Rodri sem hefur verið að glíma við alvarleg meiðsli undanfarin ár.

„Gavi er mikill orkubolti og ekki með neina síu, honum er alveg sama. Hann leggur sig alltaf 100% fram. Við elskum persónuleikann hans en við þurfum stundum að minna hann á að við erum á æfingu en ekki keppnisleik.

„Ég vissi ekki að það væri verið að taka upp æfinguna en ef ég er heiðarlegur þá skeit ég í mig af hræðslu þegar ég fann fyrir snertingunni."

Rodri var þá spurður út í ummæli Enrique Riquelme sem tapaði forsetakosningum Real Madrid fyrr í júní. Riquelme lofaði að krækja í Rodri úr röðum Man City ef hann yrði kjörinn sem forseti.

TENGT EFNI04.06.26 - 22:20

Riquelme: Búnir að tala við umboðsmann Rodri

„Ég veit ekki hvaðan þetta kemur! Ég skil að þetta er partur af fótboltaheiminum en ég er ekkert búinn að spá í framtíðinni. Þessa stundina er ég bara einbeittur að því að gera vel á HM. Ég er ennþá samningsbundinn Man City."

Rodri er 29 ára gamall og með eitt ár eftir af samningi sínum við City.

TENGT EFNI04.06.26 - 19:30

Rodri tekur ákvörðun eftir HM