„Að mínu mati var þetta mjög heilsteyptur leikur af okkar hálfu og við fengum á okkur mjög fá færi. Nýtingin á færum var mjög góð og við vissum að þeir yrðu meira og minna með boltann," sagði Bjarni Jóhannsson þjálfari Njarðvíkur eftir 4 - 1 tap gegn FH í Mjólkurbikar karla í kvöld.
Lestu um leikinn: FH 4 - 1 Njarðvík
„Mér fannst heildarsvipurinn á okkar liði. Við vorum bara mjög góðir í dag og ef við hefðum verið með sömu færanýtingu og FH þá hefði staðan átt að vera 3-0 eftir 20 mínútur. Við vorum helvíti ferskir í byrjun, náðum góðum hraðaupphlaupum og náðum að ógna vel á þá. Það datt svolítið úr okkar leik í seinni hálfleik."
Njarðvík komst yfir í fyrri hálfleiknum áður en FH skoraði tvo. „Ef við hefðum náð öðru marki á þá á góða kaflanum okkar þá hefði verið örlítið meira fjör en ég er sáttur með hvernig liðið spilaði, sérstaklega varnarlega. Ég hefði viljað sjá meiri ógnun af okkar hálfu í seinni hálfleik."
Nánar er rætt við Bjarna í spilaranum að ofan en þar ræðir hann meðal annars fjarveru Einars Orra Einarssonar. „Við erum að fara í svolítið leikjalálag núna og þurfum að fara sparlega með ellilífeyrisþegana okkar í þessu."
Athugasemdir