„Þetta var draumi líkast, það er gaman að setja svona sigurmark og við erum helvíti ánægðir með þetta, loksins dettur eitthvað með okkur," sagði Daníel Hafsteinsson sem kom inná sem varamaður eftir klukkutíma leik gegn Fram í dag og skoraði tvö mörk sem tryggðu liðinu 3-2 heimasigur. Hvernig er staðan á honum, hefði hann getað byrjað leikinn?
Lestu um leikinn: KA 3 - 2 Fram
„Mér fannst það alveg, en var kannski að ljúga að sjálfum mér að ég gæti það. Ég er smá laskaður svo það hefði ekki verið sniðugt að taka 90 mínútur og fá kannski eitthvað meira í náran. Þetta var flott svona og allir sammála um það," sagði Daníel en hvaða skilaboð fétt frá Hallgrími Jónassyni þjálfara þegar hann kom inná?
„Bara að koma inná með krafti og svona venjuleg skilaboð. Ég var smá graður í að fá að spila eftir að hafa verið tvo leiki í burtu. Það er erfitt að fá ekki að vera með því ég er vanur að vera með. Ég var bara drifkrafturinn í að gera eitthvað skemmtilegt hérna og það heppnaðist svona vel."
Nánar er rætt við hann í spilaranum að ofan.
Athugasemdir
