Fotbolti.net
23.07.17 - 12:27
Elvar Geir Magnússon

Freysi stýrir Íslandi í næstu undankeppni (Staðfest)

Freyr hefur þjálfað kvennalandsliðið síðan 2013.

Freyr hefur þjálfað kvennalandsliðið síðan 2013.

Canon

Mynd: Fótbolti.net - Hafliði Breiðfjörð

Kvennaboltinn
Freyr Alexandersson heldur áfram sem landsliðsþjálfari Íslands eftir Evrópumótið. Þetta staðfesti hann í samtali við Fótbolta.net á æfingu íslenska liðsins í Hollandi í dag.
Orðrómur hefur verið uppi um að Freyr gæti látið af störfum eftir mótið þó hann sé samningsbundinn áfram út undankeppni HM.

Vitað er að félög í Pepsi-deild karla hafi verið að horfa til hans og í umræðunni að hann gæti breytt til eftir mótið.

Freyr blés á þær kjaftasögur að leikurinn gegn Austurríki á miðvikudag gæti verið hans síðasti með kvennalandsliðið. Freyr er samningsbundinn KSÍ áfram og mun ekki hætta.

„Það verður ekkert þannig. Ég stýri liðinu í haust það er alveg klárt,\" sagði Freyr. Ítarlegt viðtal við Frey er á leiðinni.

Í september hefst undankeppni Heimsmeistaramótsins og Freyr mun freista þess að koma íslenska kvennalandsliðinu í fyrsta sinn í lokakeppni HM. Ísland er í riðli með Þýskalandi, Tékklandi, Slóveníu og Færeyjum.

Eftir úrslit gærdagsins er ljóst að Ísland nær ekki því markmiði að komast upp úr riðli sínum á EM.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.