Fotbolti.net
23.08.16 - 23:03
Ívan Guðjón Baldursson

Leikmenn KF stýra félaginu út tímabilið (Staðfest)

Halldór Ingvar Guðmundsson, 24 ára markvörður KF, þjálfar nú félagið ásamt því að spila fyrir það.

Halldór Ingvar Guðmundsson, 24 ára markvörður KF, þjálfar nú félagið ásamt því að spila fyrir það.

Canon

Mynd: Fótbolti.net - Hafliði Breiðfjörð

KF er svo gott sem fallið úr 2. deild eftir að þriðja tap liðsins í röð leit dagsins ljós á laugardaginn.

Fimm leikir eru eftir af tímabilinu og er KF á botni deildarinnar, átta stigum á eftir Ægi og ellefu stigum á eftir KV.
Jón Stefán Jónsson er ekki lengur þjálfari KF en tveir leikmenn liðsins taka við og verða spilandi þjálfarar út tímabilið.

Það eru þeir Halldór Ingvar Guðmundsson og Þórður Birgisson sem hafa báðir verið að spila með félaginu á tímabilinu.

„Við starfinu taka þeir Halldór Ingvar Guðmundsson og Þórður Birgisson sem munu klára tímabilið með liðið. Félagið býður þá félaga velkomna til starfa,\" stendur á vefsíðu KF.

„Um leið viljum við þakka Jóni Stefáni Jónssyni fyrir sitt framlag og óskum honum velfarnaðar í framtíðinni.\"
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.