Fotbolti.net
23.08.16 - 16:36
Magnús Már Einarsson

Ragnar Sigurðsson til Fulham (Staðfest)

Ragnar Sigurðsson til Fulham (Staðfest)
Canon

Mynd: Aðsend

Fulham hefur staðfest kaupin á varnarmanninum Ragnari Sigurðssyni en hann kemur til félagsins frá Krasnodar í Rússlandi. Kaupverðið verður ekki gefið upp.

Ragnar gerir tveggja ára samning en Fulham á möguleika á að framlengja þann samning um eitt ár til viðbótar.
Ragnar sló í gegn á EM í Frakklandi í sumar og var í kjölfarið eftirsóttur af mörgum félögum.

Ragnar var meðal annars orðaður við félög á Englandi en Fulham er nú að tryggja sér þjónustu hans.

Fulham leikur í ensku Championship deildinni en liðið er í 5. sæti með átta stig eftir fjórar umferðir þar.

Ragnar er þrítugur en hann hefur leikið með Krasnodar síðan 2014. Þar áður lék hann með IFK Gautaborg í Svíþjóð og FC Kaupmannahöfn í Danmörku.

Hér að neðan má sjá myndband þar sem Fulham býður Ragnar velkominn.

pic.twitter.com/OnLPPnQu0T

— Fulham Football Club (@FulhamFC) August 23, 2016

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.