2. deild: Völsungur af botninum - Njarðvík í toppbaráttunni

Oumar Diouck skoraði snemma leiks fyrir KF en Sæþór Olgeirsson sneri stöðunni við með tveimur mörkum af vítapunktinum í síðari hálfleik.

Þrír leikmenn fengu að líta rauða spjaldið á lokakaflanum en niðurstaðan mikilvægur sigur Völsungs, sem er núna í næstneðsta sæti tveimur stigum frá Víði í öruggu sæti.

Dalvík/Reynir er á botninum eftir tap gegn Kára og er Víðir í síðasta örugga sæti deildarinnar eftir að hafa tapað fyrir Njarðvíkingum. Víðir á þó leik til góða.

Njarðvík er enn í toppbaráttunni eftir þennan sigur. Liðið er í fjórða sæti, aðeins einu stigi frá Selfossi og Þrótti sem deila öðru sætinu. Selfoss á þó leik til góða.

KF 1 - 2 Völsungur
1-0 Oumar Diouck ('9)
1-1 Sæþór Olgeirsson ('65, víti)
1-2 Sæþór Olgeirsson ('84, víti)
Rautt spjald: Halldór Mar Einarsson, KF ('82)
Rautt spjald: Ásgeir Kristjánsson, Völsungur ('86)
Rautt spjald: Þorsteinn Þór Tryggvason, KF ('90)

Víðir 1 - 2 Njarðvík
0-1 Bergþór Ingi Smárason ('8)
0-2 Ivan Prskalo ('48)
1-2 Nathan Ward ('80)

Dalvík/Reynir 1 - 2 Kári
1-0 Áki Sölvason ('4)
1-1 Elís Dofri G Gylfason ('18)
1-2 Jón Vilhelm Ákason ('44, víti)

Það tekur tíma fyrir stöðutöfluna að uppfærast.