Fotbolti.net
23.10.18 - 06:00
Ívan Guðjón Baldursson
Ítalska deildin

Berlusconi fær Brocchi til Monza (Staðfest)

Berlusconi fær Brocchi til Monza (Staðfest)
Canon

Mynd: Getty Images

Monza er búið að ráða Cristian Brocchi sem nýjan þjálfara eftir fimm deildarleiki í röð án sigurs. Marco Zaffaroni var rekinn úr þjálfarastólnum.
Monza er í C-deildinni á Ítalíu og var keypt af Silvio Berlusconi, fyrrverandi eiganda AC Milan, í sumar.

Monza byrjaði tímabilið á þremur sigrum í röð en undanfarnar vikur hefur hins vegar gengið illa. Því ákvað Berlusconi að vera snöggur að bregðast við og skipta um þjálfara.

Berlusconi og Brocchi þekkjast vel frá tíma þeirra saman hjá Milan en Brocchi stýrði unglingaliðinu í tvö ár og aðalliðinu í einn og hálfan mánuð, eftir að hafa spilað fyrir félagið í sjö ár.

Monza er í 8. sæti C-deildarinnar og stefnir á að fara upp í Serie B næsta vor.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.