Aðeins stundarfjórðungur er eftir af leiknum og geta heimamenn í Huddersfield þakkað fyrir að hafa ekki lent undir í upphafi síðari hálfleiks.

Ryan Schofield varði meistaralega og datt boltinn beint fyrir Ashley Fletcher, sem var tvo metra frá opnu marki. Boltinn var skoppandi og sparkaði Fletcher undir knöttinn með þeim afleiðingum að hann fór yfir markið.

Ótrúlegt klúður hjá Fletcher sem ólst upp hjá Manchester United en fékk ekki tækifæri í ensku úrvalsdeildinni fyrr en hann skipti yfir til West Ham United sumarið 2016.