River Plate á möguleika á að vinna Copa Libertadores, Meistaradeildar Suður-Ameríku, annað árið í röð. Argentínska liðið vann erkifjendur sína Boca Juniors í undanúrslitaeinvígi.
Boca vann seinni viðureignina 1-0 með marki Jan Hurtado seint í leiknum en River Plate kemst áfram í úrslitin með 2-0 sigri úr fyrri leiknum.
Boca vann seinni viðureignina 1-0 með marki Jan Hurtado seint í leiknum en River Plate kemst áfram í úrslitin með 2-0 sigri úr fyrri leiknum.
„Þetta var stríð," sagði Exequiel Palacios, miðjumaður River, eftir leikinn. „Þetta var grannaslagur og við gáfum allt í þetta."
River mun mæta Flamengo eða Gremio í úrslitum en brasilísku liðin eigast við í seinni undanúrslitaleik sínum í kvöld. Fyrri leikurinn endaði 1-1.
Úrslitaleikurinn verður spilaður í Santiago í Síle þann 23. nóvember.
Athugasemdir