Fotbolti.net
23.11.17 - 16:20
Elvar Geir Magnússon

Jóhann Helgi í Grindavík (Staðfest)

Jónas formaður Grindavíkur, Jóhann Helgi og þjálfarinn Óli Stéfán.

Jónas formaður Grindavíkur, Jóhann Helgi og þjálfarinn Óli Stéfán.

Canon

Mynd: Grindavík

Jóhann Helgi Hannesson hefur skrifað undir tveggja ára samning við Grindavík en þetta kemur fram í tilkynningu frá félaginu.
Jóhann Helgi er 27 ára og hefur allan sinn feril leikið með Þór en hann hefur skorað 61 mark í 207 deildar og bikarleikjum með félaginu á ferli sínum.

Jóhann skoraði sex mörk í Inkasso-deildinni í sumar. Árið 2014 skoraði hann sjö mörk í Pepsi-deildinni þegar Þórsarar féllu.

Grindvíkingar misstu markahrókinn Andra Rúnar Bjarnason til Helsingborg í Svíþjóð á dögunum.

Grindavík hafnaði í fimmta sæti Pepsi-deildarinnar í sumar, flottur árangur eftir að liðið komst upp úr Inkasso-deildinni árið á undan.
Jóhann Helgi í leik með Þórsurum.

Jóhann Helgi í leik með Þórsurum.

Canon

Mynd: Fótbolti.net - Sævar Geir Sigurjónsson

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.