Eftir hverja umferð í enska boltanum þá hellir Garth Crooks, sérfræðingur BBC, upp á kaffibolla og velur lið vikunnar. Fjörið eykst bara í deildinni en Arsenal trónir áfram á toppnum eftir dramatískan sigur á Manchester United í stórleik sem fram fór á sunnudag.
Markvörður: Emiliano Martínez (Aston Villa) - Aðra vikuna í röð í úrvalsliðinu. Með sjálfstraustið í botni eftir sigurinn á HM og hélt hreinu þegar Villa vann 1-0 útisigur gegn Southampton.
Varnarmaður: Chris Richards (Crystal Palace) - Bandaríski varnarmaðurinn sem kom frá Bayern var hörkuflottur þegar Palace gerði markalaust jafntefli við Newcastle.
Varnarmaður: Oleksandr Zinchenko (Arsenal) - Kom að báðum mörkum Eddie Nketiah gegn United. Zinchenko yfirgaf Manchester City síðasta sumar, tók hann Englandsmeistarabikarinn með sér?
Varnarmaður: Thiago Silva (Chelsea) - Frábær frammistað gegn Liverpool. Þessi 38 ára Brasilíumaður er enn upp á sitt besta og hefur verið einn besti leikmaður Chelsea að undanförnu.
Varnarmaður: Cristian Romero (Tottenham) - Tottenham vann baráttusigur 1-0 á útivelli gegn Fulham og argentínski heimsmeistarinn í vörninni naut sín vel.
Miðjumaður: Jarrod Bowen (West Ham) - Skoraði tvívegis um helgina og þau mörk komu á góðum tíma fyrir West Ham. 2-0 sigur gegn Everton í sex stiga fallbaráttuslag.
Miðjumaður: Thomas Partey (Arsenal) - Hefur líklega verið stöðugasti leikmaður Arsenal á tímabilinu.
Sóknarmaður: Eddie Nketiah (Arsenal) - Margir (þar á meðal ég) héldu að meiðsli Gabriel Jesus færu langt með að eyðileggja titilvonir Arsenal. Síður en svo. Nketiah hefur farið á kostum. Skoraði tvö gegn United.
Sóknarmaður: Harry Kane (Tottenham) - Þetta hafa verið erfiðar vikur fyrir Tottenham en liðið er með Harry Kane. Frábær afgreiðsla hans tryggði 1-0 sigur gegn Fulham. Mark í hæsta gæðaflokki.
Athugasemdir