Fotbolti.net
24.03.19 - 13:15
Sæbjörn Þór Þórbergsson Steinke

Samsæriskenningar tengja fjarveru Lindelöf og Forsberg saman

Forsberg

Forsberg

Canon

Mynd: Getty Images

Emil Forsberg, leikmaður RB Leipzig og sænska landsliðsins, hefur yfirgefið landsliðið.

Aftonbladet í Svíþjóð segir Forsberg hafa yfirgefið landsliðið í mótmælaskyni. Forsberg var tekinn af velli í sigri Svía gegn Rúmenum. Forsberg fór af velli fyrir Gustav Svensson um miðbik seinni hálfleiks.

Sænska landsliðið neitaði fyrst að Forsberg hefði yfirgefið herbúðir þess en í morgun var staðfest að Forsberg hefði yfirgefið liðið vegna meiðsla.

Samsæriskenningar tengja þessar fréttir við fjarveru Victor Lindelöf, leikmanns Manchester United, í sænska landsliðinu. Lindelöf er ekki meiddur en hann og kona hans eiga von á barni á næstu dögum.

Kenningar eru á lofti um að fjarvera Lindelöf sé út af öðrum ástæðum. Umboðsmaður hans er Hasan Cetinkaya og er einnig umboðsmaður Forsberg. John Guidetti, leikmaður Alaves, var heldur ekki valinn í hópinn og er ótrúlegt en satt með sama umboðsmann og hinir tveir.

Robin Olsen markvörður sænska landsliðsins neitar að tala við fjölmiðla um þessar mundir. Hann er einnig með sama umboðsmann.

Það er einhver lykt af kergju í sænska hópnum og Svíar eru ekki hrifnir af stöðu mála eins og sjá má hér að neðan. Þar er talað um vanvirðingu hjá Lindelöf að mæta ekki í landsliðshópinn eftir að hafa verið valinn og bent á að allir þessir leikmenn eru með sama umboðsmanninn.






Lindelöf

Lindelöf

Canon

Mynd: Getty Images

John Guidetti

John Guidetti

Canon

Mynd: Getty Images

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.