Diaz, Salah, Gallagher, Jorginho, Greenwood, Cancelo og fleiri góðir í slúðri dagsins
banner
   fös 24. mars 2023 22:40
Ívan Guðjón Baldursson
Salah og Mane skoruðu í undankeppninni
Mynd: EPA

Það var ekki margt sem kom á óvart í leikjum kvöldsins í undankeppni fyrir næsta Afríkumót sem haldið verður í janúar og febrúar 2024.


Óvæntustu úrslitin litu dagsins ljós í Nígeríu þar sem heimamenn töpuðu afar óvænt gegn Gíneu-Bissá þrátt fyrir að stilla upp stjörnum prýddu byrjunarliði. Nígería er í öðru sæti eftir þetta tap, einu stigi eftir toppliði Gíneu með sex stig eftir þrjár umferðir. 

Victor Osimhen og Kelechi Iheanacho leiddu sóknarlínu Nígeríu ásamt Ademola Lookman, með Alex Iwobi, Samuel Chukwueze og Wilfred Ndidi fyrir aftan sig. Virkilega öflug sóknarlína sem tókst ekki að koma boltanum í netið í dag.

Nicolas N'Koulou, sem lék með Watford á síðustu leiktíð, gerði þá eina mark Kamerún í jafntefli gegn Namibíu á meðan Sadio Mane og Mohamed Salah komust báðir á blað í sigrum hjá Senegal og Egyptalandi.

Mane skoraði í 5-1 sigri gegn Mósambík á meðan Salah skoraði og lagði upp í 2-0 sigri gegn Malaví.

Sebastien Haller skoraði að lokum í sigri Fílabeinsstrandarinnar og setti Lyle Foster, framherji Burnley, tvennu í jafnteflisleik Suður-Afríku.

Fílabeinsströndin 3 - 1 Kómoreyjar

Nígería 0 - 1 Gínea-Bissá

Suður-Afríka 2 - 2 Líbería

Senegal 5 - 1 Mósambík

Egyptaland 2 - 0 Malaví

Kamerún 1 - 1 Namibía

Gínea 2 - 0 Eþíópía

Túnis 3 - 0 Líbía

Malí 2 - 0 Gambía

Miðbaugs Gínea 2 - 0 Botsvana

Búrkína Fasó 1 - 0 Tógó

Grænhöfðaeyjar 0 - 0 Esvatíní

Úganda 0 - 1 Tansanía

Austur-Kongó 3 - 1 Máritanía


Athugasemdir
banner
banner
banner
banner