Slúðurpakkinn er á sínum stað í dag. Spáð er og spekúlerað í framtíð ýmissa leikmanna á borð við Paul Pogba, Kalidou Koulibaly, Jadon Sancho, WIllian, Adrien Rabiot og Mauro Icardi.
Mino Raiola hefur hafið viðræður við Juventus varðandi möguleg félagaskipti Paul Pogba, 27, í sumar. Real Madrid og PSG hafa einnig áhuga á heimsmeistaranum. (Le10sport))
Bayern München gæti veitt Manchester United samkeppni um Jadon Sancho, tvítugan kantmann Borussia Dortmund. (Sun)
Barcelona er reiðubúið til að selja alla leikmenn sína nema sex lykilmenn vegna bágrar fjárhagsstöðu. (Marca)
Marc-Andre ter Stegen, 28, Lionel Messi, 32, og Frenkie de Jong, 23, eru meðal þessara sex lykilmanna. (Mundo Deportivo)
Samuel Umtiti er ekki á förum frá Barca þrátt fyrir áhuga frá Inter og Juventus. (Marca)
Umboðsmaður Sergio Agüero, 31, hafnar því alfarið að skjólstæðingur sinn gæti skipt um félag í sumar. (Mirror)
Willian, 31, segir Chelsea hafa sett sig í erfiða stöðu með að neita að bjóða sér þriggja ára samning. (Esporte Interativo)
Southampton mun neyðast til að selja lykilmenn á borð við Danny Ings, 27, Nathan Redmond, 26, og James Ward-Prowse, 25, í sumar ef nýr eigandi finnst ekki. (Star)
Man Utd leiðir nú kapphlaupið um Kalidou Koulibaly, 28 ára miðverði Napoli. PSG, Barcelona og Real Madrid hafa dregið sig úr kappinu þar sem verðmiðinn er í kringum 100 milljón evrur. (Sun)
Rauðu djöflarnir hafa verið að ræða við umboðsmann Adrien Rabiot, 25 ára miðjumanni Juventus, en Arsenal og Everton hafa einnig áhuga. (Mirror)
Jan Vertonghen, 33, fer á frjálsri sölu frá Tottenham eftir að félagið neitaði að bjóða honum tveggja ára framlengingu. (ESPN)
Arsenal vill Nicolas Tagliafico, 27 ára vinstri bakvörð Ajax. Tagliafico hefur fengið leyfi til að yfirgefa hollensku meistarana fyrir rétta upphæð, sem er talin vera í kringum 25 milljónir evra. (Mirror)
PSG er í viðræðum við Inter um að ganga endanlega frá kaupum á sóknarmanninum Mauro Icardi, 27, sem hefur verið að gera vel hjá félaginu að láni. Inter vill fá Edinson Cavani, 33, frá PSG. (L'Equipe)
Ainsley Maitland-Niles, 22, má fara frá Arsenal eftir að hafa misst sæti sitt í liðinu við komu Mikel Arteta. Maitland-Niles er fjölhæfur bakvörður sem fékk mikinn spiltíma bæði undir Arsene Wenger og Unai Emery. (Star)
Real Madrid hefur áhuga á norska miðverðinum Kristoffer Ajer, 22, sem leikur fyrir Celtic. (Mundo Deportivo)
Hertha Berlin hefur áhuga á Loris Karius, 26 ára markverði Liverpool. (Goal)
Athugasemdir
