Fotbolti.net
24.08.16 - 10:10
Elvar Geir Magnússon

Eiður Smári í indverska liðið Pune (Staðfest)

Gudjohnsen til Indlands.

Gudjohnsen til Indlands.

Canon

Mynd: Fótbolti.net - Hafliði Breiðfjörð

Eiður Smári Guðjohnsen er orðinn leikmaður FC Pune City í indversku Ofurdeildinni. Félagið opinberaði þetta nú rétt í þessu.
Eiður verður 38 ára í næsta mánuði en hann yfirgaf herbúðir Molde í Noregi nýlega. Allir Íslendingar þekkja feril Eiðs vel en frægastur er hann fyrir að hafa leikið með risaliðunum Chelsea og Barcelona.

Eiður hefur áður verið orðaður við félög í ofurdeildinni í Indlandi, meðal annars árið 2014.

Hinn spænski Antonio López Habas þjálfar FC Pune City. Í gegnum tíðina hafa nokkrir þekktir leikmenn leikið með liðinu en þar má meðal annars nefna Adrian Mutu og David Trezeguet. David Platt þjálfaði Pune á síðasta tímabili en þá endaði liðið í 7. sæti í Ofurdeildinni á Indlandi

Eigandi Pune City er Bollywood-leikarinn Hrithik Roshan og félagið er í nánu samstarfi við Fiorentina á Ítalíu.

Tímabilið á Indlandi hefst vanalega í október og lýkur í desember en Pune City hafnaði í sjöunda sæti á síðasta tímabili. Ljóst er að Eiður er á ansi góðum launum hjá félaginu. Hér að neðan má sjá myndband sem birt var þegar hann var opinberaður sem leikmaður félagsins.

Punekars! Let\'s welcome Icelandic legend @Eidur22Official. #GudjohnsenToFCPC pic.twitter.com/DuAa0irHOq

— FC Pune City (@FCPuneCity) August 24, 2016


Most capped Icelandic player to play for Pune FC Welcome Eidur Gudjohnsen #GudjohnsenToFCPC pic.twitter.com/F0LPOTb2IF

— Anupama (@Anupama75) August 24, 2016

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.