24.09.16 - 10:24
Guðmundur Aðalsteinn Ásgeirsson
Donni hættir með Þórsara (Staðfest)
Síðasti leikurinn gegn KA í dag

Donni (hér til vinstri) stýrir sínum síðasta leik í dag

Mynd: Fótbolti.net - Sævar Geir Sigurjónsson

Donni (hér til vinstri) stýrir sínum síðasta leik í dag

Mynd: Fótbolti.net - Sævar Geir Sigurjónsson
Halldór Jón Sigurðsson, eða Donni eins og hann er oftast kallaður, mun stýra Þór frá Akureyri í síðasta sinn í dag þegar liðið fær nágrannana úr KA í heimsókn í lokaumferð Inkasso-deildarinnar. Donni tilkynnti stuðningsmönnum Þórs þetta í morgunsárið.
Donni var ráðinn til Þórs í október 2014, en þar áður hafði hann þjálfað Tindastól og verið aðstoðarþjálfari hjá Val. Hann er aðeins 32 ára gamall og á því framtíðina fyrir sér í þjálfun.
Donni var ráðinn til Þórs í október 2014, en þar áður hafði hann þjálfað Tindastól og verið aðstoðarþjálfari hjá Val. Hann er aðeins 32 ára gamall og á því framtíðina fyrir sér í þjálfun.
Donni segir í skrifum til stuðningsmanna að vegna fjölskylduástæðna sé hann knúinn til að flytja frá Akureyri á þessum tímapunkti og segir að leikurinn í dag sé hans síðasti sem þjálfari Þórs, í bili allavega.
„Leikurinn í dag mun verða síðasti leikur minn sem þjálfari Þórs (í bili). Það er vegna fjölskylduástæðna að við sjáum okkur knúin að flytja frá Akureyri á þessum tímapunkti,\" segir Donni í skrifum sínum.
„Þór er alveg frábært félag og á bjarta framtíð fyrir sér. Ég lít á það sem sannan heiður að hafa fengið að þjálfa hjá þessu félagi og ég vonast til að fá tækifæri til að stýra Þór aftur síðar.\"
Inkasso-deildinni lýkur í dag, en Þór er fyrir lokaumferðina með 33 stig í fjórða sæti. Leikur Þórs og KA hefst klukkan 13:00 og er í beinni útsendingu á Stöð 2 Sport 4.
„Leikurinn í dag mun verða síðasti leikur minn sem þjálfari Þórs (í bili). Það er vegna fjölskylduástæðna að við sjáum okkur knúin að flytja frá Akureyri á þessum tímapunkti,\" segir Donni í skrifum sínum.
„Þór er alveg frábært félag og á bjarta framtíð fyrir sér. Ég lít á það sem sannan heiður að hafa fengið að þjálfa hjá þessu félagi og ég vonast til að fá tækifæri til að stýra Þór aftur síðar.\"
Inkasso-deildinni lýkur í dag, en Þór er fyrir lokaumferðina með 33 stig í fjórða sæti. Leikur Þórs og KA hefst klukkan 13:00 og er í beinni útsendingu á Stöð 2 Sport 4.
