Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fös 24. september 2021 17:50
Hafliði Breiðfjörð
Gullý Sig býður sig fram til stjórnar KSÍ
Frá höfuðstöðvum KSÍ.
Frá höfuðstöðvum KSÍ.
Mynd: Fótbolti.net - Hafliði Breiðfjörð
Suðurnesjakonan Gullý Sig úr Garðinum var að bætast í hóp þeirra sem bjóða sig fram í stjórn KSÍ á aukaþingi sambandsins 2. október næstkomandi.

Öll stjórn KSÍ sagði af sér í lok síðasta mánaðar skömmu eftir að Guðni Bergsson formaður sagði af sér í kjölfar umræðu um kynferðisbrot innan hreyfingarinnar. Stjórnin starfar enn fram að aukaþinginu 2. október þegar bráðabirgðarstjórn verður kjörin fram að ársþingi KSÍ sem fer fram í febrúar.

Nú eru sex sem hafa tilkynnt um framboð til stjórnar en af þeim hefur Vanda Sigurgeirsdóttir tilkynnt að hún bjóði sig fram til formanns KSÍ og Þóroddur Hjaltalín býður sig fram til endurkjörs í varastjórn.

Framboð til stjórnar:
Ásgrímur Helgi Einarsson
Guðbjörg Fanndal Torfadóttir
Gullý Sig
Helga Helgadóttir
Þóroddur Hjaltalín (varastjórn)

Framboð til formanns:
Vanda Sigurgeirsdóttir

Tilkynning Gullýjar
Ég hef ákveðið að bjóða mig fram í stjórn KSÍ þegar kosið verður á aukaþingi þess laugardaginn 2.okt.n.k. Ég er fædd og uppalin í Garðinum ( Suðurnesjabæ ) og kem frá mikilli fótboltafjölskyldu. Ég hef kynnst fótboltanum frá öllum hliðum fótboltans í gegnum Knattspyrnufélagið Víðir Garði alveg frá barnæsku. Hef verið leikmaður, þjálfari, stjórnarmaður, formaður, foreldri og margt fleira. Ég legg mikinn metnað í það sem ég tek mér fyrir hendur og tel mig geta nýtt krafta mína fyrir KSÍ ⚽️⚽️


Athugasemdir
banner
banner
banner
banner
banner