Byrjunarlið Fram og Breiðabliks: Höskuldur á bekknum - Ægir Jarl í banni

Rúnar Kristinsson, þjálfari Fram, er tilneyddur til að gera eina breytingu á byrjunarliði sínu frá 2-2 jafntefli Fram gegn Víkingi í síðustu umferð.

Ægir Jarl Jónasson fékk að líta rauða spjaldið gegn Víkingi og er hann því ekki í leikmannahóp Fram í dag. Inn í hans stað kemur Már Ægisson.

Fred Saravia er áfram á bekknum en hefur verið að glíma við meiðsli og var ónotaður varamaður gegn Víkingi.

Ólafur Ingi Skúlason, þjálfari Breiðabliks, gerir fjórar breytingar á byrjunarliði sínu frá úrslitaleik Mjólkurbikarsins á föstudag.

Þeir Ívar Örn, Kristinn Jónsson, Jónatan Guðni og Gabríel Snær koma allir inn í liðið.

Úr byrjunarliðinu víkja fyrirliðinn Höskuldur Gunnlaugsson, Aron Bjarnason, Kristófer Ingi og Viktor Örn.