Claudio Ranieri var kampakátur eftir frábæran sigur Watford á útivelli gegn Everton í gær.

Everton leiddi 2-1 allt þar til á síðasta stundarfjórðungi leiksins þegar Joshua King og félagar í Watford komu til baka og sneru leiknum algjörlega á hvolf.

Watford stóð uppi sem 2-5 sigurvegari þökk sé fjórum mörkum á lokakaflanum og var Ranieri vissulega sáttur fyrir utan þá staðreynd að liðið fékk tvö mörk á sig.

„Ég er mjög mjög ánægður. Í síðustu viku var enginn Joshua King en í dag þá var hann til staðar. Hann átti stórkostlegan leik ekki bara því hann skoraði þrennu heldur vegna alls annars sem hann gerði. Hann hélt boltanum vel og vann öll einvígi. Hann var stórkostlegur," sagði Ranieri.

„Ég er bara búinn að vera hérna í viku og er viss um að við munum bæta okkur mikið sem lið í þessu ferðalagi."

Ranieri var spurður hvort sigurinn væri nóg til að leikmenn myndu verðskulda að fara út saman að borða.

„Enginn matur, við getum farið í kvöldmat þegar við höldum hreinu. Þá mun ég bjóða leikmönnum á Watford Canteen."

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit