Fotbolti.net
24.11.18 - 19:41
Magnús Már Einarsson

Rúta Boca Juniors grýtt - Leiknum frestað?

Carlos Tevez er leikmaður Boca Juniors.

Carlos Tevez er leikmaður Boca Juniors.

Canon

Mynd: Getty Images

Erkifjendurnir í River Plate og Boca Juniors eiga að mætast í kvöld í síðari leik liðanna í Copa Libertadores eða Meistaradeild Suður-Ameríku.

Fyrri leikurinn fór 2-2 en River Plate er á heimavelli í kvöld. Engir stuðningsmenn Boca Juniors mega mæta á völlinn samkvæmt samkomulagi á milli félaganna.
Samkvæmt fréttum frá Argentínu er möguleiki á að leiknum verði frestað.

Stuðningsmenn River Plate grýttu rútu Boca Juniors harkalega þegar liðið var að mæta á völlinn. Brúsum með táragasi og piparúða var hent í rútuna og rúður í henni brotnuðu.

Þrír leikmenn Boca meiddust fyrir vikið en miðjumaðurinn Pablo Perez fékk glerbrot í augað í látunum.

Hér að neðan má sjá myndbönd af látunum.


Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.