banner
   fim 24. nóvember 2022 12:19
Elvar Geir Magnússon
Haaland slakar á með kærustunni á Marbella
Erling Haaland er einn besti fótboltamaður heims í dag.
Erling Haaland er einn besti fótboltamaður heims í dag.
Mynd: Getty Images
Noregur komst ekki á HM svo Erling Haaland, sóknarmaður Manchester City, hefur verið í fríi. Nýlega var opinberað að hann væri í sambandi með Isabel Haugseng Johansen og eru þau skötuhjúin saman í sólinni.

Isabel er átján ára og er einnig í boltanum. Hún kemur frá sama bæ og Haaland og hafa þau verið að hittast í einhverja mánuði.

Þau voru mynduð saman í Marbella í þessari viku en þar á Haaland sumarhús.

Þau ólust upp saman í Bryne og hafa þekkst í einhver ár. Þau spiluðu fyrir sama fótboltalið í bænum.

Haaland hefur grínast með að fótboltinn væri kærastan hans en það hefur nú breyst. Isabel hefur sést með fjölskyldu hans á vellinum.

„Sambandið virðist komið á alvarlegt stig. Isabel hefur ferðast til Þýskalands og Englands til að hitta hann og er núna með honum í Marbella. Isabel er þekkt fyrir fegurð sína og þau hafa vitað af hvort öðru alla tíð," segir heimildarmaður The Sun.


Athugasemdir
banner
banner
banner
banner
banner