Kevin De Bruyne og Varane til Saudi Arabíu - Solanke til West Ham - Chelsea vill Ramsdale frá Arsenal
Þrumuræða Þorvaldar gerði útslagið: Fyrst og fremst tilfinningar frá mér
Sveindís beðið lengi - „Erfitt að segja hvenær maður kæmist aftur í fótbolta"
Steini: Svona atriði sem skipta gríðarlega miklu máli
Telma: Það var kannski smá mikið að gera á köflum
Olla: Pirrandi og svekkjandi að ná ekki að nýta að vera manni fleiri
Tveir í Serbíu með 'Antonsdóttir' á bakinu - „Mjög gaman að sjá þá"
Karólína: Drulluðum á okkur í markinu og ég tek fulla ábyrgð á því
Sandra María: Eyða orkunni í það sem við getum haft áhrif á
Ingibjörg: Erum ekki að fara að vinna 9-1, það er á hreinu
Glódís Perla: Tveir virkilega góðir leikmenn í þeirra liði
Steini: Held að þetta hafi verið eitthvað unglingasvæði hjá þeim
Árni Guðna: Maður fékk tilfinninguna að það væri annað mark í þessu
Óliver Elís skoraði í dramatískum leik: Við fórum bara í eitthvað survival mode
Árni Guðna eftir sigurleik: Þurfum að sýna að við eigum erindi í þessi lið
Guðjón Máni skoraði tvö gegn Þrótti: Áttum seinni hálfleikinn
Úlfur: Höfum ekki bolmagn til að borga morðfjár í laun
Aron Snær: Bannaði orðin varamarkvörður og samkeppni
Ánægður með síðasta ár - „Alltaf talað um hann en þróunin var góð"
Arnar Gunnlaugs: Kærum ekki á meðan ég er við stjórnvölinn
Benoný um Gautaborg: Get ekki farið í smáatriði en þetta var ekki málið
banner
   fim 24. nóvember 2022 15:37
Guðmundur Aðalsteinn Ásgeirsson
Viðtal
„Sagði þá að ég myndi alltaf koma aftur í þjálfun á réttum tímapunkti"
Vigfús Arnar Jósepsson.
Vigfús Arnar Jósepsson.
Mynd: Fótbolti.net - Hafliði Breiðfjörð
Mikill Leiknismaður.
Mikill Leiknismaður.
Mynd: Fótbolti.net - Hafliði Breiðfjörð
Leiknir féll úr Bestu deildinni í sumar en stefnir þangað aftur.
Leiknir féll úr Bestu deildinni í sumar en stefnir þangað aftur.
Mynd: Fótbolti.net - Haukur Gunnarsson
„Mér líst mjög vel á þetta, ég er mjög spenntur," segir Vigfús Arnar Jósepsson, nýráðinn þjálfari Leiknis, í samtali við Fótbolta.net.

Vigfús Arnar, sem er goðsögn hjá Leikni, tekur við af Sigurði Heiðari Höskuldssyni og skrifaði hann undir tveggja ára samning sem gildir út keppnistímabilið 2024.

Leiknismenn leika í Lengjudeildinni næsta sumar eftir að hafa fallið úr Bestu deildinni og verður spennandi að sjá hvort Breiðhyltingum takist að koma sér beint aftur upp í deild þeirra bestu.

„Þetta verður krefjandi verkefni líka. Liðið var að falla niður um deild og það er áskorun að byrja svona nýtt verkefni. Við erum að vinna í leikmannamálunum og finna hópinn okkar. Við viljum halda þeim sterka kjarna sem við höfum en það er ljóst að það verður líka að vera endurnýjun. Við erum að vinna í þeim málum núna."

Leiknir tók sér fínan tíma í að ráða þjálfara. Ejub Purisevic var mikið orðaður við starfið en að lokum var Vigfús Arnar ráðinn.

„Stjórnin talaði við mig eftir að Siggi tilkynnti þeim að hann væri að fara. Þeir spurðu hvort ég hefði áhuga á því að taka við liðinu. Á þeim tíma sagði ég: 'Já'. Svo leið einhver tími og stjórnin hefur þá væntanlega hugsað sín mál. Þegar þetta fór á fullt þá vorum við fljótir að ganga frá þessu."

Alltaf langað að þjálfa
Vigfús, eða Fúsi eins og hann er kallaður, er mikill Leiknismaður. Hann er fyrrum leikmaður liðsins og einnig hefur hann þjálfað liðið áður. Hann gerði það 2018 og stýrði hann liðinu frá fallsvæðinu í næst efstu deild. Honum bauðst að halda áfram með liðið þá en tók því ekki þá.

„Ég hef gríðarlegan áhuga á fótbolta og mig hefur alltaf langað að þjálfa. Ég var að þjálfa Leikni 2018 sem aðstoðarþjálfari og tók svo við sem aðalþjálfari þá. Eftir það tímabil ákvað ég að stíga til hliðar. Ég sagði þá að ég myndi alltaf koma aftur í þjálfun á réttum tímapunkti. Siggi hringdi í mig í sumar og bað mig um að koma inn í teymið. Þá fann ég að löngunin var það mikil að mig langaði að henda mér í þetta af fullum krafti."

Hann bætti líka við: „Vinnuhagir og fjölskylduhagir pössuðu líka betur núna. Börnin eru orðin eldri og meira sjálfbjarga. Hlutir í mínu lífi féllu betur með þjálfuninni núna. Auðvitað þurfti ég að semja við betri helminginn að það yrði þokkalegt álag á fjölskyldulífið en hún styður mig í þessu. Það er gott mál."

Ætlum að halda áfram á þeirri vegferð
Fúsi er í öðru starfi með. Hvernig mun ganga að samtvinna störfin tvö?

„Það á eftir að koma í ljós. Ég var skýr með það frá upphafi að ég þyrfti að fá góðan mann með mér. Donni (Halldór Geir Heiðarsson) verður með mér í fullu starfi. Ég mun minnka við mig í mínu starfi. Við ætlum að sinna þessu vel og hafa mjög metnaðarfullt og ögrandi umhverfi fyrir leikmennina. Við ætlum að gera þetta í Bestu deildar klassa. Leiknir hefur spilað þrisvar í efstu deild á síðustu átta keppnistímabilum. Við teljum okkur vera eitt af stærri félögum í landinu. Við ætlum að halda áfram á þeirri vegferð, halda áfram að bæta okkur."

Fúsi segir að Leiknir eigi heima í efstu deild og er stefnan sett þangað. Í spilaranum hér að ofan má sjá viðtalið í heild sinni þar sem nýráðinn þjálfari Leiknis ræðir frekar um leikmannamál félagsins og einnig um það hvernig fótbolta hann vill spila.
Athugasemdir
banner
banner
banner
banner