Fotbolti.net
25.01.19 - 19:30
Ívan Guðjón Baldursson

Arnautovic áfram hjá West Ham (Staðfest)

Arnautovic er búinn að gera 7 mörk í 16 deildarleikjum á tímabilinu.

Arnautovic er búinn að gera 7 mörk í 16 deildarleikjum á tímabilinu.

Canon

Mynd: Getty Images

Marko Arnautovic er búinn að staðfesta að hann sé ekki á förum frá West Ham í janúarglugganum.
Arnautovic vildi yfirgefa félagið og var ósáttur þegar það hafnaði tilboðum frá tveimur kínverskum félögum.

Kínversku félögin eru talin hafa boðið rúmlega 30 milljónir punda fyrir sóknarmanninn en West Ham vildi 50.

Arnautovic er 29 ára Austurríkismaður sem hefur gert 19 mörk í 53 leikjum fyrir Hamrana frá komu sinni sumarið 2017.

Arnautovic er lykilmaður í sóknarlínu West Ham en vill spila fyrir stærra félag á besta kafla ferilsins.

„Ég ætla að binda enda á allar sögusagnir. Ég verð áfram hjá West Ham og geri mitt besta til að hjálpa liðinu að klífa upp töfluna og reyna að vinna bikarinn," segir meðal annars í yfirlýsingu frá Arnautovic.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.