Laugardag klukkan 14:00
Pepsi-deildin fer af stað í kvöld með leik Vals og Víkings R. á Origo-vellinum klukkan 20:00. 1. umferðin lýkur síðan á laugardaginn með fimm leikjum.
Einn af leikjunum á morgun er leikur Grindavíkur og Breiðabliks sem hefst klukkan 14:00 í Grindavík.
Einn af leikjunum á morgun er leikur Grindavíkur og Breiðabliks sem hefst klukkan 14:00 í Grindavík.
Miklar breytingar hafa orðið á liði Grindavíkur frá síðasta tímabili og miðað við þetta byrjunarlið eru fimm leikmenn í byrjunarliðinu sem ekki voru í Grindavík í fyrra. Auk þess er nýr þjálfari í brúnni, Srdjan Tufegdzic.
Búast má við Grindavík í leikkerfinu 4-3-3 með nýtt miðvarðarpar í þeim Josip Zeba og Marc McAusland. Miðjan þekka Grindvíkingar vel enda léku þeir allir með liðinu í Pepsi-deildinni í fyrra.
Grindvíkingar hafa ágætis breidd í sóknarlínunni og Alexander Veigar Þórarinsson gæti hæglega byrjað á laugardaginn, í staðin fyrir Patrick N'Koyi eða Vladimir Tufegdzic.
Breiðablik hefur á að skipa gríðarlega sterku liði sem hefur bætt við sig þremur öflugum leikmönnum nú rétt fyrir mót.
Litlar breytingar eru á varnarlínu liðsins frá því í fyrra, Davíð Ingvarsson kemur sennilega inn í vinstri bakvörðinn fyrir nafna sinn, Davíð Kristján Ólafsson sem gekk í raðir Álasund í vetur.
Við búumst við því að Guðjón Pétur komi beint inn í byrjunarliðið og verði þar ásamt Viktori Karli og Andra Yeoman.
Thomas Mikkelsen mun leið sóknarlínu Breiðabliks í sumar. Með honum verða þeir Kwame Quee og Aron Bjarnason. Þórir Guðjónsson og Brynjólfur Darri Willumsson gera einnig tilkall í byrjunarliðið.
Höskuldur Gunnlaugsson gekk í raðir Breiðabliks á láni frá Halmstad í morgun. Hann væri ágætis vopn af varamannabekknum í fyrsta leik, þó það sé hæpið.
föstudagur 26. apríl
20:00 Valur-Víkingur R. (Valsvöllur)
laugardagur 27. apríl
14:00 ÍBV-Fylkir (Hásteinsvöllur)
14:00 Grindavík-Breiðablik (Kópavogsvöllur)
16:00 FH-HK (Kaplakrikavöllur)
16:00 ÍA-KA (Akranesvöllur)
20:00 Stjarnan-KR (Stjörnuvöllur)
Smelltu hér til að taka þátt í Draumaliðsleiknum í Pepsi Max-deildinni!
Athugasemdir