Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 25. maí 2022 21:32
Elvar Geir Magnússon
Hemmi neitaði að mæta í viðtöl eftir tapið í Árbænum
Mynd: Fótbolti.net - Hafliði Breiðfjörð
Hermann Hreiðarsson, þjálfari ÍBV, neitaði að mæta í viðtöl við fjölmiðla eftir 2-1 tap liðsins gegn Lengjudeildarliði Fylkis í 32-liða úrslitum Mjólkurbikarsins í kvöld.

Fréttamaður Fótbolta.net í Árbænum tók í staðinn viðtal við Andra Rúnar Bjarnason, sóknarmann liðsins.

Lestu um leikinn: Fylkir 2 -  1 ÍBV

Hermann vildi ekki gefa upp hver væri ástæðan fyrir því að hann gaf ekki kost á viðtölum en Eyjamenn hafa átt erfiða byrjun á tímabilinu og eru í fallsæti án sigurs í Bestu deildinni.

Á leiknum í kvöld voru fréttamenn frá Vísi og Fótbolta.net en Hermann veitti hvorugum þeirra viðtal.

Athygli vakti að Guðjón Pétur Lýðsson var ekki í leikmannahópi ÍBV í kvöld en hann og Hermann voru ósáttir við hvorn annan og hiti þeirra á milli eftir að Guðjóni var skipt af velli í leik gegn ÍA um síðustu helgi.

ÍBV heimsækir Stjörnuna í Bestu deildinni á sunnudag.
Athugasemdir
banner
banner
banner
banner