Það var boðið upp á afar bragðdaufan fótboltaleik þegar KA og KR mættust í Pepsi Max-deildinni í dag. Leikurinn fór fram á Greifavellinum á Akureyri.

Magnús Valur Böðvarsson, vallarstjóri hjá KR, birti GIF á Twitter þar sem hann súmmeraði fyrri hálfleikinn.

Seinni hálfleikurinn var ekki mikið skárri. „Leikurinn í sömu járnum og í fyrri hálfleik. Lítið af færum og liðin föst fyrir. Mark væri asni vel þegið," skrifaði Ester Ósk Árnadóttir í beinni textalýsingu þegar rúmar 20 mínútur voru eftir.

Lokatölur voru 0-0 og eitt stig á bæði lið. KR er á toppnum með 40 stig, 10 stigum meira en Breiðablik sem er í öðru sæti. KA er í níunda sæti með 21 stig, þremur stigum frá fallsæti.

Klukkan 19:15 hefst leikur Víkings og Grindavíkur. Bein textalýsing frá þeim leik.