Fotbolti.net
25.10.16 - 18:26
Magnús Már Einarsson

Þórhallur Dan tekinn við Gróttu (Staðfest)

Frá undirskriftinni í kvöld.

Frá undirskriftinni í kvöld.

Canon

Mynd: Mynd: Grótta

Þórhallur Dan Jóhannsson er nýr þjálfari Gróttu en hann skrifaði undir tveggja ára samning við félagið í kvöld.

Hann tekur við liðinu af Úlfi Blandon sem hætti á dögunum eftir að hafa stýrt Gróttu upp í Inkasso-deildina í sumar.
Þórhallur Dan hefur undanfarin tvö ár verið aðstoðarþjálfari hjá Haukum en hann hætti þar eftir tímabilið á sama tíma og Luka Kostic hætti sem þjálfari.

„Þórhallur er reyndur leikmaður og þjálfari sem náði ásamt Luka Kostic eftirtektarverðum árangri með ungt lið Hauka svo hann passar vel inn hjá okkur,\" segir Hilmar S Sigurðsson, formaður knattspyrnudeildar Gróttu.

Þórhallur Dan var áður þjálfari hjá Álftanesi í 3. deildinni árin 2011 og 2012.

Á sínum tíma spilaði Þórhallur lengi í efstu deild með Fylki og Fram áður en hann kláraði ferilinn í Haukum þar sem hann hjálpaði liðinu upp úr annarri deild í Pepsi-deildina og spilaði með liðinu þar árið 2010.
Þórhallur Dan Jóhannsson.

Þórhallur Dan Jóhannsson.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.