Fotbolti.net
25.10.17 - 19:22
Guðmundur Aðalsteinn Ásgeirsson

Claude Puel tekinn við Leicester (Staðfest)

Claude Puel tekinn við Leicester (Staðfest)
Canon

Mynd: Getty Images

Leicester hefur tilkynnt um ráðningu á nýjum knattspyrnustjóra. Sá heitir Claude Puel og er fyrrum stjóri Southampton.

Puel skrifaði í kvöld undir samning við Leicester til 2020.
Craig Shakespeare var rekinn frá Leicester í síðustu viku og Michael Appleton hefur stýrt liðinu tímabundið síðan þá. Á Sky Sports segir Appleton muni halda áfram sem aðstoðarþjálfari.

Puel er nú tekinn við en hann þekkir sig ágætlega í ensku úrvalsdeildinni eftir að hafa stýrt Southampton á síðasta tímabili. Hann var látinn taka pokann sinn eftir eitt tímabil hjá dýrlingunum.

Hinn 56 ára gamli Puel hefur einnig stýrt frönsku liðunum Lyon, Mónakó, Lille og Nice á löngum stjóraferli sínum.

„Það eru mikil forréttindi að taka við Leicester,\" sagði Puel, en hann var tilkynntur sem nýr stjóri liðsins í kvöld.

„Þetta er spennandi tækifæri og ég hlakka til að vinna með eigendunum, leikmönnunum, þjálfaraliðinu og stuðningsmönnunum.\"

Leicester er sem stendur í 14. sæti ensku úrvalsdeildarinnar, en næsti leikur liðsins er gegn Everton á sunnudaginn.

#lcfc are delighted to announce the appointment of Claude Puel as the Club’s new First Team Manager: https://t.co/OQeKNdlHWF#WelcomeClaude pic.twitter.com/RRgEdELdhy

— Leicester City (@LCFC) October 25, 2017

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.