Varnarmaðurinn William Saliba var hæstánægður með sína frammistöðu með Marseille gegn Paris Saint-Germain í frönsku úrvalsdeildinni í gær.
Leikurinn endaði með markalausu jafntefli og var Saliba ánægður að leik loknum. Hann þurfti að takast á við stjörnur PSG í leiknum, Neymar, Kylian Mbappe og Lionel Messi.
„Þetta var besti leikurinn á mínum ferli," sagði Saliba eftir leikinn.
Saliba átti magnaða tæklingu í leiknum. Hann elti eldsnöggan Mbappe uppi og átti tæklingu í heimsklassa. Hann fagnaði henni vel og það skiljanlega.
Þessi efnilegi varnarmaður er á láni hjá Marseille frá Arsenal. Það hefur vakið athygli að Mikel Arteta geti ekki notað hann.
Hægt er að sjá myndband af tæklingunni hér að neðan.
What a tackle by Saliba on Mbappe pic.twitter.com/4ZWcmrE3Y2
— TH14👑 🇵🇸 (@49gunsalute) October 24, 2021
Athugasemdir