James Maddison, leikmaður Leicester, fékk að líta rauða spjaldið þegar Leicester mætti Brighton í gær.
Maddison fékk að líta sitt annað gula spjald á 28. mínútu fyrir leikaraskap.
Það hefur stundum gerst að dómari sleppi því að gefa leikmanni annað gula þegar um leikaraskap er að ræða en það var ekki þannig í gær.
Chris Kavanagh, dómari leiksins, sýndi Maddison enga miskunn og sendi hann beinustu leið í sturtu.
Staðan á þessum tímapunkti var 1-0 fyrir Brighton en Leicester tókst að jafna manni færri og urðu lokatölur 1-1. Jamie Vardy skoraði jöfnunarmarkið úr vítaspyrnu.
Smelltu hér til að sjá atvikið þegar Maddison var rekinn af velli.
Athugasemdir