Argentíski miðjumaðurinn hefur samið við Al Shabab í Sádí-Arabíu og mun ganga í raðir félagsins eftir tímabilið. Al Shabab hefur tilkynnt um félagaskiptin.
Banega, sem er 31 árs, leikur með Sevilla og mun hann klára tímabilið á Spáni. Hann hefur byrjað 19 leiki í spænsku úrvalsdeildinni á þessu tímabili.
Samningur hans við Sevilla rennur út næsta sumar og gengur hann þá í raðir Al Shabab á þriggja ára samningi.
Banega hefur leikið í Evrópu frá 2008, að undanskildum nokkrum mánuðum árið 2014 er hann var hjá Newell's Old Boys í Argentínu á láni. í Evrópu hefur hann leikið hjá Valencia, Atletico Madrid, Sevilla og Inter Milan.
Þá á Banega 65 A-landsleiki fyrir Argentínu og sex landsliðsmörk.
Al Shabab has officially signed with Ever Banega #ShababFC #Alshabab #بانيغا_شبابي#تعاقدات_الشباب pic.twitter.com/9GZieEMH5a
— Al Shabab FC (@ShababSaudiFc) January 25, 2020
Athugasemdir