Bandaríska körfuboltagoðsögnin Kobe Bryant lést í morgun í þyrluslysi en bandarískir fjölmiðlar staðfesta þetta í kvöld. Ítalska félagið AC Milan minnist hans en Kobe var afar mikill áhugamaður um fótbolta og mikill stuðningsmaður Milan. Paris Saint-Germain minnist hans einnig og ljóst að mörg knattspyrnufélög koma til með að bætast í hópinn.
Bryant lék allan sinn feril með Los Angeles Lakers og er hann fjórði stigahæsti leikmaður NBA-deildarinnar frá upphafi.
Hann vann titilinn fimm sinnum með Lakers og var yfirburðaleikmaður í deildinni í hartnær tuttugu ár en það bárust hræðilegar fréttir í kvöld.
Bryant lést í þyrluslysi í Calabasas í Kaliforníu í morgun ásamt fimm öðrum en verið er að rannsaka orsök slyssins.
Bryant var afar áhugasamur um fótbolta en hann ólst upp á Ítalíu er faðir hans lék körfubolta þar í landi og var Kobe afar annt um AC Milan.
Hann heimsótti Milan nokkrum sinnum á æfingasvæðið og fylgdist náið með liðinu en ítalska félagið minnist hans á Twitter í kvöld.
„Við getum ekki með orðum lýst hversu sláandi það er að heyra af fráfalli eins besta íþróttamans allra tíma og jafnfram stuðningsmanni Milan, Kobe Bryant. Hugur okkar er hjá fjölskyldum þeirra sem létust í slysinu. Þín verður sárt saknað Kobe," segir í yfirlýsingu Milan.
We have no words to express how shocked we are to hear of the tragic passing of one of the greatest sportsmen of all time and Rossonero fan, Kobe Bryant. All our thoughts are with the families of those affected by this tragic accident. You will forever be missed, Kobe 🙏❤️🖤 pic.twitter.com/FOd365chEL
— AC Milan (@acmilan) January 26, 2020
The club would like to express its deepest condolences to his family and friends, to the @Lakers and the @NBA family after the tragic passing of Kobe Bryant. RIP, legend. 🙏🏼 pic.twitter.com/vKMHmzvK5Z
— Paris Saint-Germain (@PSG_English) January 26, 2020
Athugasemdir