Gerrard og lærisveinar geta komist í 16-liða úrslit í dag

Seinni viðureign Braga og Rangers í 32-liða úrslitum Evrópudeildarinnar fer fram í dag klukkan 17. Ástæðan fyrir því að leikurinn er ekki á morgun er sú að þá á Porto heimaleik í nálægð við heimavöll Braga.

Umferðarkerfið og mannafli lögreglunnar ræður ekki við að báðir leikirnir séu á sama tíma.

Fyrri viðureign Rangers og Braga var hörkuskemmtilegur en Steven Gerrard og lærisveinar unnu 3-2 sigur eftir að hafa lent tveimur mörkum undir.