fös 26. febrúar 2021 21:16
Sæbjörn Þór Þórbergsson Steinke
Lengjubikarinn: FH missti niður forystu gegn Fram - Fylkir þurfti fjögur
Nikulás Val Gunnarsson skoraði tvö í kvöld
Nikulás Val Gunnarsson skoraði tvö í kvöld
Mynd: Fótbolti.net - Hafliði Breiðfjörð
Rétt í þessu var fjórum leikjum í A-deild Lengjubikars karla að ljúka. Seinna í kvöld klárast leikir í Lengjubikar kvenna og B-deild karla.

Í Víkinni vannst heimasigur þegar Kórdrengir mættu í heimsókn. Halldór Smári Sigurðsson varð leikjahæsti leikmaður í sögu Víkinga og bar hann fyrirliðabandið í kvöld. Nafni hans Halldór Jón Sigurður kom heimamönnum yfir en þurfti að yfirgefa völlinn skömmu síðar. Unnar Már jafnaði fyrir Kórdrengi en Helgi Guðjónsson sá til þess að Víkingur var yfir í hálfleik. Það var svo Nikolaj Hansen sem innsiglaði sigur Víkinga með marki á lokamínútunum.

Fylkir vann 4-3 heimasigur á Þrótti Reykjavík. Þeir Nikulás Val Gunnarsson og Baldur Hannes Stefánsson skoruðu báðir tvö mörk í leiknum. Nikulás lagði þá upp hin tvö mörk Fylkis í leiknum.

Á Framvelli urðu óvænt úrslit þegar FH gerði 2-2 jafntefli gegn Fram. FH komst yfir með tveimur mörkum um miðbik seinni hálfleiks en Fram náði að jafna og krækti í stig.

Loks vann Grindavik 0-2 útisigur á Aftureldingu í Mosfellsbænum. Josip Zeba var tiltöltulega nýbúinn að klikka úr vítaspyrnu þegar Aron Jóhannsson kom gestunum yfir. Varamaðurinn Símon Thasphong skoraði annað mark Grindavíkur á 50. mínútu og þar við sat.

Afturelding 0 - 2 Grindavík
0-0 Josip Zeba, víti klúðrað ('25)
0-1 Aron Jóhannsson ('31 )
0-2 Símon Logi Thasaphong ('50)

Fram 2 - 2 FH
0-1 Jóhann Ægir Arnarsson ('68 )
0-2 Baldur Logi Guðlaugsson ('71 )
1-2 Alex Freyr Elísson ('78 )
2-2 Þórir Guðjónsson ('84)

Fylkir 4 - 3 Þróttur R.
1-0 Hákon Ingi Jónsson ('27 )
1-1 Orri Sveinn Stefánsson ('45+1, sjálfsmark)
2-1 Nikulás Val Gunnarsson ('51)
3-1 Nikulás Val Gunnarsson ('53)
3-2 Baldur Hannes Stefánsson ('67, víti)
4-2 Þórður Gunnar Hafþórsson ('78)
4-3 Baldur Hannes Stefánsson ('88)
Rautt spjald: Orri Sveinn Stefánsson ('55, Fylkir)

Víkingur R. 3 - 1 Kórdrengir
1-0 Halldór Jón Sigurður Þórðarson ('9)
1-1 Unnar Már Unnarsson ('13)
2-1 Helgi Guðjónsson ('19)
3-1 Nikolaj Andreas Hansen ('84)
Athugasemdir
banner
banner
banner
banner