Völsungur vann Magna, 2-1, í riðli 4 í B-deild Lengjubikarsins í dag.

Indriði Ketilsson skoraði eina mark fyrri hálfleiksins á 2. mínútu og kom Völsungi í forystu en Kifah Moussa Mourad gerði annað mark liðsins út vítaspyrnu þegar tæpar tuttugu mínútur voru eftir.

Guðmundur Óli Steingrímsson minnkaði muninn þegar fjórar mínútur voru eftir af venjulegum leiktíma, en lengra komust Magnamenn ekki og lokatölur 2-1 Völsungi í vil.

Magni klárar riðilinn með 3 stig í neðsta sætinu en Völsungur er með 5 stig í 3. sæti þegar það á einn leik eftir. Sá leikur er gegn KFA, sem er þegar búið að vinna riðilinn.