Brynjólfur orðaður við Birmingham

Birmignham þekkir það að vera með Willumsson í liðinu því Willum Þór, eldri bróðir Brynjólfs, var í lykilhlutverki þegar liðið fór upp úr C-deildinni en hlutverkið minnkaði í B-deildinni. Willum er núna hjá NEC Nijmegen.

„Fólk ætti að þekkja föðurnafnið. Hann er yngri bróðir Willums. Hann hefur verið hjá Groningen síðan 2024 og er markahæsti leikmaður í Eredivisie á þessu tímabili."

„Hann er 26 ára og var inn og út úr liðinu fyrstu tvö tímabilin en hann hefur verið að raða inn mörkum á þessu tímabili, með átta mörk í tíu byrjunarliðsleikjum. Það er rætt um að hann gæti orðið fyrsti leikmaður Groningen til að skora 20 mörk í fjóra áratugi."

„Framherjinn verður samningslaus næsta sumar, en Groningen er reyndar með ákvæði. Það hefur ekki alltaf gengið upp að fá leikmenn frá Hollandi en yngri Willumsson er allavega í mjóg góðum gír," segir í umfjöllun enska miðilsins.

Brynjólfur hefur skorað fjögur mörk í leikjunum þremur eftir landsleikjahlé og er það í annað sinn á tímabilinu sem hann hefur skorað í þremur leikjum í röð. Brynjólfur og Daninn Sören Tengstedt hjá Go Ahead Eagles eru markahæstir í deildinni með átta mörk.

Það sem sagt er um Andra Lucas er að líklega geti Birmingham ekki fengið hann, hann muni kosta háa upphæð þar sem hann hafi þegar sannað sig í deildinni. Birmingham situ í 7. sæti Championship, með 20 stig eftir tólf umferðir.