Fotbolti.net
26.05.18 - 11:30
Ívan Guðjón Baldursson
Ítalska deildin

Valencia búið að kaupa Kondogbia (Staðfest)

Valencia búið að kaupa Kondogbia (Staðfest)
Canon

Mynd: Getty Images

Valencia er búið að staðfesta kaupin á Geoffrey Kondogbia. Frakkinn var í lykilhlutverki fyrir félagið á nýliðnu tímabili þar sem Valencia náði Meistaradeildarsæti.

Kondogbia var á láni frá Inter og ákvað spænska félagið að nýta kaupréttinn sinn. Kaupverðið eru 25 milljónir evra.
Kondogbia er varnartengiliður en getur einnig spilað í vörn, sem miðvörður eða vinstri bakvörður.

Hann býr yfir mikilli reynslu enda hefur hann spilað fyrir Lens, Sevilla, Mónakó og Inter á ferlinum. Þá var hann orðaður við Tottenham fyrr í vikunni.

Kondogbia er 25 ára og lék 57 landsleiki fyrir yngri lið Frakka og 5 fyrir aðalliðið. Hann fer ekki á HM í sumar.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.