Adem Ljajic er genginn til liðs við Besiktas í tyrkneska boltanum eftir átta ára dvöl í Serie A. Hann gerði frábæra hluti á lánssamningi hjá Besiktas á tímabilinu og skoraði 9 mörk í 27 deildarleikjum.
Ljajic leikur framarlega á miðjunni og á yfir 200 leiki að baki í Serie A, flesta fyrir Fiorentina, Roma og Torino og einnig 25 fyrir Inter.
Hann verður 28 ára í september og hefur gert 8 mörk í 37 landsleikjum með Serbíu.
Þrátt fyrir sín miklu gæði hefur verðmiðinn á Ljajic aldrei verið sérlega hár og borgar Besiktas aðeins sex milljónir evra fyrir hann, auk rúmrar milljónar fyrir lánið.
Besiktas endaði í þriðja sæti tyrknesku deildarinnar í ár og fer því beint í riðlakeppni Evrópudeildarinnar í haust.
Athugasemdir