Emiliano Martinez, leikmaður Aston Villa, átti góðan leik í gær er hans lið vann óvæntan 1-0 sigur á Old Trafford.
Manchester United var andstæðingur Villa en það síðarnefnda hafði betur með einu marki gegn engu.
Man Utd gat jafnað metin á 93. mínútu í uppbótartíma en Bruno Fernandes klikkaði þá á vítaspyrnu.
Martinez var seldur frá Arsenal í fyrra fyrir 17 milljónir punda, eitthvað sem margir stuðningsmenn Arsenal voru ekki sáttir við.
Martinez hefur síðan þá stimplað sig inn sem einn besti markmaður deildarinnar og er hans saknað á Emirates.
Gabriel Martinelli, leikmaður Arsenal, er einn af þeim sem saknar Martinez og sendi honum kveðju á Instagram í gær.
„Þvílíkur leikmaður," skrifaði Martinelli við færslu Martinez þar sem hann fagnaði sigri gærdagsins.
Færsluna sjálfa má sjá hér að neðan.
Athugasemdir