Fotbolti.net
26.10.18 - 16:02
Elvar Geir Magnússon

Sigurður Marinó aftur í Þór (Staðfest)

Sigurður Marinó í leik með Þór.

Sigurður Marinó í leik með Þór.

Canon

Mynd: Fótbolti.net - Sævar Geir Sigurjónsson

Sigurður Marinó Kristjánsson er kominn aftur í Þór eftir eins árs veru hjá Magna frá Grenivík.

Frá þessu er greint á vefsíðu Þórs.
Sigurður Marinó er 27 ára gamall miðjumaður og hóf meistaraflokksferilinn hjá Þór sumarið 2007.

Meistaraflokksleikir hans eru orðnir 231 talsins í deild og bikar auk fjögurra leikja í Evrópudeildinni. Leikirnir með Þór eru 208 Mörkin hans eru 17 í deild og bikar þar af 14 með Þór, auk þriggja marka í Evrópudeildinni.

Hann söðlaði um fyrir ári og tók slaginn í Inkasso deildinni með Magna Grenivík og þar spilaði hann alls 23 leiki í deild og bikar og mörkin urðu þrjú.

„Þetta eru afar ánægjuleg tíðindi og ljóst að reynsla Sigurðar á eftir að vega þungt og ljóst að nú gleðjast Þórsarar almennt. Bjóðum Sigurð Marinó velkomin til Þórs á ný og vonum að hér heima eigi honum eftir að líða vel og blómstra sem aldrei fyrr," segir á heimasíðu Þórs.

Þór hafnaði í þriðja sæti Inkasso-deildarinnar í sumar en Gregg Ryder, fyrrum þjálfari Þróttar, tók við þjálfun liðsins eftir tímabilið.
Það var Gestur Arason gjaldkeri knattspyrnudeildar sem undirritaði samninginn fyrir hönd Þórs. Sigurður Marinó skrifaði undir tveggja ára samning við Þór.

Það var Gestur Arason gjaldkeri knattspyrnudeildar sem undirritaði samninginn fyrir hönd Þórs. Sigurður Marinó skrifaði undir tveggja ára samning við Þór.

Canon

Mynd: Þór

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.