Gylfi SIgurðsson, umboðsmaður, greinir frá því í samtali við Fotbollskanalen að Karolína Lea Vilhjálmsdóttir og Sveindís Jane Jónsdóttir séu undir smásjá félaga í Svíþjóð og Noregi.

Hinar 19 ára gömlu Karolína og Sveindís eru á mála hjá Breiðabliki en sú síðarnefnda er á láni frá Keflavík.

Þær verða í eldlínunni í stórleiknum gegn Svíum í undankeppni EM á morgun. Karolína og Sveindís vöktu athygli í fyrri leiknum gegn Svíum í síðasta mánuði.

„Það var smá áhugi fyrir 1-1 jafnteflið gegn Svíum en eftir það varð áhuginn mikill," sagði Gylfi.

„Það er fjöldi félaga í Svíþjóð sem vill fá Sveindísi Jane Jónsdóttur og Karolínu Vilhjálmsdóttur."

Gylfi bætti einnig við að Hlín Eiríksdóttir sé einnig á óskalista erlendra féalga.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit