Fabrizio Romano, sem er einhver áreiðanlegasti fjölmiðlamaður í heimi, segir það staðfest að Ole Gunnar Solskjær verði áfram knattspyrnustjóri Manchester United.
Það er mjög heitt undir Solskjær eftir 0-5 tap liðsins gegn erkifjendunum í Liverpool um síðustu helgi.
Stór hluti stuðningsmannahóps Man Utd hefur gefist upp á því að hann fari lengra með liðið.
Það voru háværar raddir um það í gær að Solskjær yrði rekinn og Antonio Conte myndi taka við. Í dag lækkuðu þessar raddir. Núna segir Romano að það sé öruggt að Solskjær stýrði liðinu gegn Tottenham um næstu helgi.
Romano segir að Sir Alex Ferguson, goðsögn hjá Manchester United, hafi stutt við bakið á sínum fyrrum leikmanni innan félagsins.
„Ole talaði við leikmennina í dag. Næstu leikir verða mikilvægir," segir Romano.
Ýmsir fjölmiðlar hafa talað um að næstu þrír leikir; gegn Tottenham, Atalanta og Manchester City, gætu ráðið örlögum Norðmannsins.
The decision from main part of Manchester United board is now confirmed/approved. My understanding is Ole Gunnar Solskjær will definitely be in charge for Tottenham game on Saturday 🔴 #MUFC
— Fabrizio Romano (@FabrizioRomano) October 26, 2021
Ferguson supported him. Ole also spoke to players today. Next games will be crucial. pic.twitter.com/rx7TrnMw5K
Athugasemdir
