Fotbolti.net
27.01.17 - 12:50
Magnús Már Einarsson

Aron Bjarna í Breiðablik (Staðfest)

Aron Bjarnason í leik á móti Breiðabliki í fyrra.

Aron Bjarnason í leik á móti Breiðabliki í fyrra.

Canon

Mynd: Fótbolti.net - Hafliði Breiðfjörð

Breiðablik hefur fengið kantmanninn Aron Bjarnason í sínar raðir frá ÍBV. Fyrr í dag fór sóknarmaðurinn Arnór Gauti Ragnarsson í ÍBV frá Breiðabliki og nú hefur Aron farið í hina áttina.

Aron skrifaði undir þriggja ára samning við Breiðablik í dag en þetta staðfesti hann í samtali við Fótbolta.net.
Hinn 21 árs gamli Aron hefur leikið með ÍBV undanfarin tvö tímabil. Síðastliðið sumar skoraði Aron fimm mörk í 21 leik í Pepsi-deildinni. Aron er uppalinn í Þrótti R. en hann fór í Fram árið 2013 og spilaði þar í eitt og hálft tímabil.

Breiðablik hefur verið að vinna í að styrkja sóknarleikinn en liðið skoraði einungis 27 mörk í 22 leikjum í Pepsi-deildinni í fyrra.

Í gær kom framherjinn Hrvoje Tokic frá Víkingi Ólafsvík og á dögunum kom kantmaðurinn Martin Lund Pedersen frá Fjölni. Báðir skoruðu þeir níu mörk í Pepsi-deildinni í fyrra. Aron hefur nú einnig bæst í hópinn.

Á móti hafa Blikar misst sóknarmennina Árna Vilhjálmsson, Ellert Hreinsson og Jonathan Glenn frá síðasta tímabili.

Komnir:
Aron Bjarnason frá ÍBV
Hrvoje Tokic frá Víkingi Ólafsvík
Martin Lund Pedersen frá Fjölni

Farnir:
Alfons Sampsted til Norrköping
Aron Snær Friðriksson í Fylki
Arnór Sveinn Aðalsteinsson í KR
Árni Vilhjálmsson í Jönköping (Var á láni)
Daniel Bamberg
Elfar Freyr Helgason til Horsens (Á láni)
Ellert Hreinsson
Jonathan Glenn
Kári Ársælsson hættur
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.