Þýska úrvalsdeildarfélagið Bayer Leverkusen er í viðræðum við Leicester um að fá kantmanninn Demarai Gray.
Gray er ekki efstur í goggunarröðinni hjá Brendan Rodgers, stjóra Leicester, og gæti hann verið á förum núna í janúar. Samningur hans rennur út næsta sumar.
Að sögn Sky Sports er að Leverkusen að ræða við Leicester en Crystal Palace og Marseilla hafa einnig sýnt honum áhuga.
Leverkusen telur að Gray geti haft svipuð áhrif í Þýskalandi eins og aðrir ungir enskir leikmenn. Þar má nefna Jadon Sancho og Jude Bellingham sem hafa báðir gert flotta hluti með Borussia Dortmund. Gray er 24 ára gamall.
Bayer Leverkusen er í toppbaráttu í Þýskalandi og er þessa stundina í þriðja sæti.
Athugasemdir