„Mér líður mjög vel. Frábær leikur hjá okkur, verð samt að hrósa Aftureldingu þeir voru að spila erfiðan leik á Þriðjudaginn sem fór í framlengingu og þeir voru helvíti öflugir, þeir eru komnir helvíti langt miðavið síðast þegar ég spilaði við þá og það eru nokkur ár síðan." sagði Leifur Andri Leifsson, fyrirliði HK eftir góðan sigur á Aftureldingu fyrr í kvöld.
Lestu um leikinn: HK 2 - 0 Afturelding
„Við fengum betri færi en þeir voru mjög góðir í að halda boltanum og þorðu í mjög mikið en síðan stigum við aðeins upp á þá og áttuðum okkur aðeins á því hvað þeir væru að gera og þá höndluðum við þetta helvíti vel."
Leifur Andri Leifsson segir að liðið sé hundfúlt með stigasöfnunina það sem af er móti en í kvöld var allt HK liðið rétt stillt.
„Já við erum náttúrulega hundfúlir að vera ekki með fleiri stig. Hausinn þarf að vera í lagi og það er númer eitt,tvö og þrjú. Við þurfum að mæta af krafti í alla þessa leiki og við gerðum það í dag þannig við þurfum að halda því áfram og ekki að taka þessu sem sjálfsögðum hlut að vera spila hérna."
„Við ætlum bara upp um deild, það er ekkert flóknara en það." sagði Leifur Andri að lokum.