Malen kemur til Dortmund frá PSV Eindhoven og skrifar hann undir fimm ára samning við þýska stórliðið.

Talið er að Dortmund borgi 30 milljónir evra fyrir leikmanninn.

Malen var í landsliðshópi Hollands á EM og vakti athygli þar fyrir góða frammistöðu. Hinn 22 ára gamli Malen skoraði 27 mörk í 45 keppnisleikjum á síðustu leiktíð fyrir PSV.

Hann kemur til með að fylla að einhverju leyti í skarðið sem Jadon Sancho skilur eftir sig. Sancho fór frá Dortmund til Manchester United í sumar.